《此禮拜8/25金句》雅各書 1：21-22

作者:gikong 日期:2024-08-24 20:16

Só͘-í, tio̍h siau-tû it-chhè lâ-sâm ê si̍p-koàn kap koàn-boán ê siâ-ok; tio̍h ēng un-jiû ê sim chiap-la̍p hit-ê chèng tī lín sim-lāi ōe-tàng kiù lín ê tō. Tio̍h si̍t-hêng tō-lí, m̄-thang phiàn ka-kī kóng kan-ta thiaⁿ tō-lí chiū hó.

所以，著消除一切垃墋的習慣及貫滿的邪惡；著用溫柔的心接納彼個種佇恁心內會當救恁的道。著實行道理，毋通騙家己講干焦聽道理就好。

類別: 本週金句 | 引用: 0 | 評論: 0 | 閱讀: 129

《此禮拜8/18金句》哥林多前書 2：9

作者:gikong 日期:2024-08-17 14:27

Chiàu Sèng-keng só͘ kì-chài: Siōng-tè ūi-tio̍h thiàⁿ I ê lâng chún-pī--ê, sī ba̍k-chiu m̄-bat khòaⁿ--tio̍h, hī-khang m̄-bat thiaⁿ--tio̍h, mā m̄-bat ū lâng siūⁿ--tio̍h-ê.

照聖經所記載：上帝為著疼伊的人準備的，是目睭毋曾看著，耳孔毋曾聽著，嘛毋曾有人想著的。

類別: 本週金句 | 引用: 0 | 評論: 0 | 閱讀: 114

《此禮拜8/11金句》箴言 17：6

作者:gikong 日期:2024-08-10 12:37

Kiáⁿ-sun sī lāu-lâng ê hoa-koan; lāu-pē sī kiáⁿ-jî ê êng-iāu.

子孫是老人的花冠；老父是子兒的榮耀。

類別: 本週金句 | 引用: 0 | 評論: 0 | 閱讀: 110

《此禮拜8/4金句》使徒行傳 16：14

作者:gikong 日期:2024-08-03 23:40

Ū chi̍t ê bōe chí-sek-pò͘ ê Chhui-ngá-chhui-lat ê hū-lú, miâ kiò-chòe Lū-tí-a, sī kèng-ùi Siōng-tè ê lâng, i mā lâi thiaⁿ. Chú khui i ê sim, hō͘ i choan-sim thiaⁿ Pó-lô só͘ kóng ê ōe.

有一個賣紫色布的推雅推喇的婦女，名叫做呂底亞，是敬畏上帝的人，伊嘛來聽。主開伊的心，互伊專心聽保羅所講的話。

類別: 本週金句 | 引用: 0 | 評論: 0 | 閱讀: 148

《此禮拜7/28金句》出埃及記 40：36-37

作者:gikong 日期:2024-07-27 11:42

Hûn tùi hōe-bō͘ seng-koân ê sî, Í-sek-lia̍t-lâng chiū chhut-hoat hiòng-chêng kiâⁿ. Hûn nā thêng--teh, in chiū bô chhut-hoat, thèng-hāu kàu hûn seng-koân.

雲對會幕升高的時，以色列人就出發向前行。雲若停啲，in就無出發，聽候到雲升高。

類別: 本週金句 | 引用: 0 | 評論: 0 | 閱讀: 124

《此禮拜7/21金句》出埃及記 20：11

作者:gikong 日期:2024-07-20 21:31

in-ūi la̍k ji̍t kú, Siōng Chú chhòng-chō thiⁿ, tōe, hái, kap hit tiong-kan ê bān-mi̍h, tē-chhit ji̍t chiū hioh-khùn; só͘-í Siōng Chú sù-hok An-hioh-ji̍t, siat-li̍p chit-ji̍t chòe sèng-ji̍t.

因為六日久，上主創造天、地、海，及彼中間的萬物，第七日就歇睏；所以上主賜福安歇日，設立此日做聖日。

類別: 本週金句 | 引用: 0 | 評論: 0 | 閱讀: 123

《此禮拜7/14金句》馬可福音 6：4、6

作者:gikong 日期:2024-07-13 19:29

Iâ-so͘ kā in kóng, "Sian-ti tī ka-kī ê kò͘-hiong, ka-kī ê chhin-lâng, ka-kī ê ka-cho̍k í-gōa, it-tēng ōe siū chun-tiōng. Iâ-so͘ tùi in ê m̄ sìn kám-kak chin kî-koài.

耶穌給in講：「先知佇家己的故鄉，家己的親人，家己的家族以外，一定會受尊重。」耶穌對in的毋信感覺真奇怪。

類別: 本週金句 | 引用: 0 | 評論: 0 | 閱讀: 125

《此禮拜7/7金句》哈該書 1：12

作者:gikong 日期:2024-07-06 20:31

Hit-sî, Sat-la-thiat ê kiáⁿ Só͘-lô-pa-pek kap Iok-sat-ta̍t ê kiáⁿ tōa-chè-si Iâ-su-a, í-ki̍p só͘ chhun ê chú-bîn, lóng ho̍k-chiông Siōng Chú - in ê Siōng-tè ê ōe, chiū-sī Siōng Chú chhe-phài--lâi ê sian-ti Hap-kai ê sìn-sit. Chèng-lâng mā lóng kèng-ùi Siōng Chú.

彼時，撒拉鐵的子所羅巴伯及約薩達的子大祭司耶書亞，以及所賰的子民，攏服從上主 -

類別: 本週金句 | 引用: 0 | 評論: 0 | 閱讀: 145