《此禮拜12/14金句》啟示錄18:4-5

作者:gikong 日期:2025-12-13 22:52

Góa koh ū thiaⁿ-kìⁿ lēng-gōa chi̍ t ê siaⁿ tùi thiⁿ-téng chhut--lâi, kóng:Góa ê chú-bîn ah, chhut--lâi, tio̍ h tùi îm -hū hia chhut--lâi,chiah bián bak-tio̍ h i ê chōe,chiah bián hō͘ i ê chai-hō liân-lūi--tio̍ h.In-ūi i ê chōe í-keng lúi-chek tú-thiⁿ,Siōng-tè ōe-kì-tit i ê siâ-ok.

我閣有聽見另外一個聲對天頂出來，講：我的子民啊，出來，著對淫婦遐出來，才免沐著伊的罪，才免互伊的災禍連累著。因為伊的罪已經累積抵天，上帝會記得伊的邪惡。

類別: 本週金句 | 引用: 0 | 評論: 0 | 閱讀: 2

《此禮拜12/7金句》歌羅西書3:24

作者:gikong 日期:2025-12-06 23:15

Tio̍ h chai, Chú ōe kā lín pò-siúⁿ, hō͘ lín tùi I tit-tio̍ h sán-gia̍ p; lín teh ho̍ k-sāi--ê sī Chú Ki-tok.

著知，主會給恁報賞，互恁對伊得著產業；恁啲服事的是主基督。

類別: 本週金句 | 引用: 0 | 評論: 0 | 閱讀: 9

《此禮拜11/30金句》啟示錄12:6

作者:gikong 日期:2025-11-29 22:51

Hit-ê hū-jîn-lâng tô-cháu khì khòng-iá, tī hia Siōng-tè ū kā i pī-pān chi̍t ê só͘-chāi, hō͘ i thang tit-tio̍ h chiàu-kò͘ chi̍t-chheng nn̄ g-pah la̍ k-cha̍ p ji̍t.

彼個婦仁人逃走去曠野，佇遐上帝有給伊備辦一個所在，互伊通得著照顧一千兩百六十日。』

類別: 本週金句 | 引用: 0 | 評論: 0 | 閱讀: 16

《此禮拜11/23金句》馬太福音25:40

作者:gikong 日期:2025-11-22 18:10

Ô ng ōe ìn kóng, 'Góa si̍t-chāi kā lín kóng, lín ū án-ni tùi-thāi góa hiaⁿ-tī chí-bē siōng bî-sòe ê chi̍t ê, chiū-sī hó khoán-thāi góa.'

王會應講：『我實在給恁講，恁有按呢對待我兄弟姊妹上微細的一個，就是好款待我。』

類別: 本週金句 | 引用: 0 | 評論: 0 | 閱讀: 12

《此禮拜11/16金句》路加福音24：49

作者:gikong 日期:2025-11-15 17:29

Góa chiong góa ê Pē só͘ èng-ún--ê kau hō͘ lín; tio̍ h tī chit-ê siâⁿ thèng-hāu, kàu lín tit-tio̍ h tùi téng-bīn lâi ê lêng-le̍ k."

我將我的父所應允的交互恁；著佇此個城聽候，到恁得著對頂面來的能力。」

類別: 本週金句 | 引用: 0 | 評論: 0 | 閱讀: 24

《此禮拜11/09金句》啟示錄2:5

作者:gikong 日期:2025-11-08 22:32

Só͘-í, tio̍ h ōe-kì-tit lí tùi tó-ūi tūi-lo̍ h; tio̍ h hóe-kái, chòe lí tong-chho͘ só͘ chòe ê kang-chok. Nā bô, góa ōe khì lí hia, chiong lí ê teng-tâi tùi goân-ūi sóa-khui.

所以，著會記得你對叨位墮落；著悔改，做你當初所做的工作。若無，我會去你遐，將你的燈台對原位徙開。

類別: 本週金句 | 引用: 0 | 評論: 0 | 閱讀: 29

《此禮拜11/2金句》啟示錄1:3

作者:gikong 日期:2025-11-01 14:21

Tha̍ k chit-pún chheh ê lâng chin ū hok-khì; thiaⁿ-kìⁿ chit-ê ū-giân koh chun-siú chheh--ni̍h só͘ kì-chài ê lâng chin ū hok-khì; in-ūi sî-ki kūn lah.

讀此本冊的人真有福氣；聽見此個預言閣遵守冊裡所記載的人真有福氣；因為時機近啦。

類別: 本週金句 | 引用: 0 | 評論: 0 | 閱讀: 32

《此禮拜10/26金句》哥林多後書5:20

作者:gikong 日期:2025-10-25 18:43

Só͘-í, goán choh Ki-tok ê tāi-sài, Siōng-tè thong-kè goán kā lín khó͘-khǹg. Goán thòe Ki-tok kā lín kiû, tio̍ h kap Siōng-tè hô-hó.

所以，阮作基督的大使，上帝通過阮給恁苦勸。阮替基督給恁求，著及上帝和好。