本週金句-羅馬書1: 16～17

作者:gikong 日期:2016-06-19 14:59

Góa bô khòaⁿ hok-im chòe kiàn-siàu, in-ūi chit-ê hok-im sī Siōng-tè ê tōa lêng-le̍k, beh chín-kiù só͘-ū sìn ê lâng, tāi-seng Iû-thài-lâng, āu-lâi Gōa-pang-lâng.

In-ūi chit-ê hok-im ū khé-sī Siōng-tè ê gī, chit-ê gī tùi thâu kàu bé lóng sī thong-kè sìn lâi tit-tio̍h. Chiàu Sèng-keng só͘ kì-chài, “Gī ê lâng ōe tùi sìn lâi oa̍h.”
我無看福音做見笑，因為此個福音是上帝的大能力，欲拯救所有信的人，代先猶太人，後來外邦人。因為此個福音有啟示上帝的義，此個義對頭到尾攏是通過信來得著。照聖經所記載：「義的人會對信來活。」

類別: 本週金句 | 引用: 0 | 評論: 0 | 閱讀: 1297

本週金句-路加福音18:42-43

作者:gikong 日期:2016-06-12 23:50

Iâ-so͘ kā i kóng, Hó, hō͘ lí koh khòaⁿ-kìⁿ! Lí ê sìn-sim hō͘ lí tit-tio̍h i-hó!

耶穌給伊講：「好，互你閣看見！你的信心互你得著醫好！」

I sûi-sî koh ōe khòaⁿ-kìⁿ, chiū tè Iâ-so͘, kui êng-kng hō͘ Siōng-tè. Chèng-lâng khòaⁿ-tio̍h chit-ê tāi-chì, lóng chheng-chàn Siōng-tè.

伊隨時閣會看見，就隨耶穌，歸榮光互上帝。眾人看著此個代誌，攏稱讚上帝。

類別: 本週金句 | 引用: 0 | 評論: 0 | 閱讀: 1342

本週金句-創世記26:22

作者:gikong 日期:2016-06-05 00:10

離開遐，閣開一個井，In無為此個井閣相爭，就給伊號名利河伯。是講：「耶和華今互阮開闊的地，阮欲佇此個地興旺。」

Lī-khui hia koh khui chi̍t ê chíⁿ; in bô ūi chit ê chíⁿ koh saⁿ-chiⁿ; chiū kā i hō miâ Lī-hô-pek; sī kóng:Iâ-hô-hoa taⁿ hō͘ goán khui-khoah ê tōe; goán beh tī chit ê tōe heng-ōng.

類別: 本週金句 | 引用: 0 | 評論: 0 | 閱讀: 1213

本週金句-耶利米哀歌三章38節

作者:gikong 日期:2016-05-29 23:09

Hó-pháiⁿ-tāi kiám-m̄-sī chhut tī Chì-koâiⁿ--ê ê chhùi mah?
好歹代豈呣是出佇至高者的嘴嗎？『是禍是福，都出於至高者的命令。』（和合版）

類別: 本週金句 | 引用: 0 | 評論: 0 | 閱讀: 1241

本週金句-羅馬書四19-21

作者:gikong 日期:2016-05-22 17:20

A-pek-la-hán..... I tùi Siōng-tè ê èng-ún bô hoâi-gî, sìn-sim hoán-tńg ná kian-tēng, chiong êng-kng kui hō͘ Siōng-tè. I khak-sìn Siōng-tè it-tēng ōe si̍t-hiān ka-kī ê èng-ún.

亞伯拉罕...伊對上帝的應允無懷疑，信心反轉愈堅定，將榮光歸互上帝。伊確信上帝一定會實現家己的應允。

類別: 本週金句 | 引用: 0 | 評論: 0 | 閱讀: 1333

本週金句-羅馬書九16

作者:gikong 日期:2016-05-15 15:26

Só͘-í, Siōng-tè ê kéng-soán m̄-sī kun-kù lâng ê ì-goān á-sī ló͘-le̍k, sī chhut tī I ê lîn-bín.

所以，上帝的揀選m̄-sī 根據人的意願抑是努力，是出佇伊的憐憫。

類別: 本週金句 | 引用: 0 | 評論: 0 | 閱讀: 1240

本週金句-羅馬書八章37節

作者:gikong 日期:2016-05-01 23:40

我們靠著愛我們的主已經獲得完全的勝利！(和合版) 佇諸個一切的代誌，咱靠疼咱的上帝得勝到有賰！ Tī chiah-ê it-chhè ê tāi-chì, lán khò thiàⁿ lán ê Siōng-tè tek-sèng kàu ū chhun!

類別: 本週金句 | 引用: 0 | 評論: 0 | 閱讀: 1239

本週金句-希伯來十一6

作者:gikong 日期:2016-04-24 10:53

Bô sìn chiū bōe-tàng hō͘ Siōng-tè hoaⁿ-hí, in-ūi chhin-kūn Siōng-tè ê lâng it-tēng tio̍h sìn Siōng-tè ū chûn-chāi, koh sìn I ōe hō͘ chhē-kiû I ê lâng tit-tio̍h pò-siúⁿ.

無信就bōe當互上帝歡喜，因為親近上帝的人一定著信上帝有存在，閣信伊會互尋求伊的人得著報賞。(台語漢字)

『人非有信，就不能得上帝的喜悅；因為到上帝面前來的人必須信有上帝，且信他賞賜那尋求他的人。 』(和合本)

類別: 本週金句 | 引用: 0 | 評論: 0 | 閱讀: 1284