本週金句-路加福音十七6

作者:gikong 日期:2016-07-10 00:03

Chú kóng, “Lín nā ū chhin-chhiūⁿ kòa-chhài-chí hiah tōa ê sìn-sim, kā chit châng sng-châi-chhiū kóng ‘Liân kun pu̍ih khí-lâi, khì chai tī hái-ni̍h’, hit châng chhiū mā ōe ho̍k-chiông lín.

主講：「恁若有親像芥菜籽赫大的信心，給此欉桑材樹講『連根拔起來，去栽佇海裡』，彼欉樹嘛會服從恁。

類別: 本週金句 | 引用: 0 | 評論: 0 | 閱讀: 1191

本週金句-以賽亞書六8

作者:gikong 日期:2016-07-03 15:10

Góa koh thiaⁿ-kìⁿ Chú ê siaⁿ kóng, Góa thang chhe chī-chūi ah? chī-chūi beh ūi Goán khì? Góa chiū kóng, Góa tī-chia, thang chhe góa.

我閣聽見主的聲講：「我通差是誰啊？是誰欲為阮去？」我就講：「我佇遮，通差我！」

類別: 本週金句 | 引用: 0 | 評論: 0 | 閱讀: 1384

本週金句-約翰福音13:34-35

作者:gikong 日期:2016-06-26 15:04

Góa hō͘ lín chi̍t tiâu sin ê kài-bēng: Lín tio̍h saⁿ-thiàⁿ; chiàu góa thiàⁿ lín án-ni, lín mā tio̍h saⁿ-thiàⁿ.

Lín nā saⁿ-thiàⁿ, chèng-lâng ōe tùi che lâi chai lín sī góa ê bûn-tô͘.

我互恁一條新的誡命：恁著相疼；照我疼恁按呢，恁嘛著相疼。恁若相疼，眾人會對這來知恁是我的門徒。

類別: 本週金句 | 引用: 0 | 評論: 10 | 閱讀: 4476

本週金句-羅馬書1: 16～17

作者:gikong 日期:2016-06-19 14:59

Góa bô khòaⁿ hok-im chòe kiàn-siàu, in-ūi chit-ê hok-im sī Siōng-tè ê tōa lêng-le̍k, beh chín-kiù só͘-ū sìn ê lâng, tāi-seng Iû-thài-lâng, āu-lâi Gōa-pang-lâng.

In-ūi chit-ê hok-im ū khé-sī Siōng-tè ê gī, chit-ê gī tùi thâu kàu bé lóng sī thong-kè sìn lâi tit-tio̍h. Chiàu Sèng-keng só͘ kì-chài, “Gī ê lâng ōe tùi sìn lâi oa̍h.”
我無看福音做見笑，因為此個福音是上帝的大能力，欲拯救所有信的人，代先猶太人，後來外邦人。因為此個福音有啟示上帝的義，此個義對頭到尾攏是通過信來得著。照聖經所記載：「義的人會對信來活。」

類別: 本週金句 | 引用: 0 | 評論: 0 | 閱讀: 1265

本週金句-路加福音18:42-43

作者:gikong 日期:2016-06-12 23:50

Iâ-so͘ kā i kóng, Hó, hō͘ lí koh khòaⁿ-kìⁿ! Lí ê sìn-sim hō͘ lí tit-tio̍h i-hó!

耶穌給伊講：「好，互你閣看見！你的信心互你得著醫好！」

I sûi-sî koh ōe khòaⁿ-kìⁿ, chiū tè Iâ-so͘, kui êng-kng hō͘ Siōng-tè. Chèng-lâng khòaⁿ-tio̍h chit-ê tāi-chì, lóng chheng-chàn Siōng-tè.

伊隨時閣會看見，就隨耶穌，歸榮光互上帝。眾人看著此個代誌，攏稱讚上帝。

類別: 本週金句 | 引用: 0 | 評論: 0 | 閱讀: 1319

本週金句-創世記26:22

作者:gikong 日期:2016-06-05 00:10

離開遐，閣開一個井，In無為此個井閣相爭，就給伊號名利河伯。是講：「耶和華今互阮開闊的地，阮欲佇此個地興旺。」

Lī-khui hia koh khui chi̍t ê chíⁿ; in bô ūi chit ê chíⁿ koh saⁿ-chiⁿ; chiū kā i hō miâ Lī-hô-pek; sī kóng:Iâ-hô-hoa taⁿ hō͘ goán khui-khoah ê tōe; goán beh tī chit ê tōe heng-ōng.

類別: 本週金句 | 引用: 0 | 評論: 0 | 閱讀: 1182

本週金句-耶利米哀歌三章38節

作者:gikong 日期:2016-05-29 23:09

Hó-pháiⁿ-tāi kiám-m̄-sī chhut tī Chì-koâiⁿ--ê ê chhùi mah?
好歹代豈呣是出佇至高者的嘴嗎？『是禍是福，都出於至高者的命令。』（和合版）

類別: 本週金句 | 引用: 0 | 評論: 0 | 閱讀: 1199

本週金句-羅馬書四19-21

作者:gikong 日期:2016-05-22 17:20

A-pek-la-hán..... I tùi Siōng-tè ê èng-ún bô hoâi-gî, sìn-sim hoán-tńg ná kian-tēng, chiong êng-kng kui hō͘ Siōng-tè. I khak-sìn Siōng-tè it-tēng ōe si̍t-hiān ka-kī ê èng-ún.

亞伯拉罕...伊對上帝的應允無懷疑，信心反轉愈堅定，將榮光歸互上帝。伊確信上帝一定會實現家己的應允。

類別: 本週金句 | 引用: 0 | 評論: 0 | 閱讀: 1299