本週金句-哥林多前書9:19

作者:gikong 日期:2016-11-13 19:54

我對佇眾人雖罔是自由，猶久將家己做眾人的奴僕，為著欲得著人愈多。
Góa tùi tī chèng lâng sui-bóng sī chū-iû, iáu-kú chiong ka-kī chòe chèng lâng ê lô͘-po̍k, ūi-tio̍h beh tit-tio̍h lâng ná chōe.

類別: 本週金句 | 引用: 0 | 評論: 0 | 閱讀: 1153

本週金句-路加福音一 37

作者:gikong 日期:2016-11-06 19:49

因為，上帝所講的話，無一句無力。
in-ūi Siōng-tè só͘ kóng ê ōe, bô chı̍ t kù bô la̍ t.

類別: 本週金句 | 引用: 0 | 評論: 0 | 閱讀: 1119

本週金句-以弗所書一3

作者:gikong 日期:2016-10-30 17:17

著稱讚咱的主耶穌基督的父上帝！因為伊有將天頂逐款屬靈的福氣，通過咱及基督結連，賜互咱。

Tio̍h chheng-chàn lán ê Chú Iâ-so͘ Ki-tok ê Pē Siōng-tè! In-ūi I ū chiong thiⁿ-téng ta̍k khoán sio̍k-lêng ê hok-khì, thong-kè lán kap Ki-tok kiat-liân, sù hō͘ lán.

類別: 本週金句 | 引用: 0 | 評論: 0 | 閱讀: 1174

本週金句-雅各書一12

作者:gikong 日期:2016-10-23 16:54

Jím-siū chhì-liān ê lâng chin ū hok-khì; in-ūi i ū keng-kè khó-giām, ōe niá-siū Siōng-tè èng-ún hō^. thiàⁿ I ê lâng oa̍h-miā ê hoa-koan.

忍受試煉的人真有福氣；因為伊有經過考驗，會領受上帝應允互疼伊的人活命的花冠。

類別: 本週金句 | 引用: 0 | 評論: 0 | 閱讀: 1265

本週金句-希伯來書十二14-15

作者:gikong 日期:2016-10-16 00:29

Tio̍h ló͘-le̍k kap chèng-lâng hô-bo̍k, kè sèng-kiat ê seng-oa̍h; nā bô, bô lâng ōe kìⁿ-tio̍h Chú.Tio̍h kín-sīn, chiah-bián ū lâng sit-khì Siōng-tè ê un-tián; chiah-bián ū to̍k-chháu hoat khí-lâi, chō-sêng gûi-hāi, tì-kàu chin chōe lâng siū ù-jiám。

著努力及眾人和睦，過聖潔的生活；若無，無人會見著主。著謹慎，才免有人失去上帝的恩典；才免有毒草發起來，造成危害，致到真多人受污染。

類別: 本週金句 | 引用: 0 | 評論: 0 | 閱讀: 1045

本週金句-羅馬書八38-39

作者:gikong 日期:2016-10-09 16:20

góa chhim sìn bô lūn sī sí, sī oa̍h, sī thiⁿ-sài, sī chiáng-koân ê, sī hiān-kim ê, sī chiong-lâi ê, ū koân-lêng ê, sī koâiⁿ, sī chhim, á-sī pa̍t ê siū-chō ê mi̍h, lóng bōe-ōe keh-tn̄g lán tī Siōng-tè ê thiàⁿ, chiū-sī tī lán ê Chú Ki-tok Iâ-so͘ só͘ ū ê thiàⁿ.

我深信無論是死、是活，是天使、是掌權的，是現今的、是將來的，有權能的，是高、是深，抑是別個受造的物，攏不會隔斷咱佇上帝的疼；就是佇咱的主基督耶穌所有的疼。

類別: 本週金句 | 引用: 0 | 評論: 0 | 閱讀: 1121

本週金句-詩篇2:7-8

作者:gikong 日期:2016-10-02 17:45

Iâ-hô-hoa bat kā góa kóng, Lí sī Góa ê kiáⁿ, Góa kin-á-ji̍t siⁿ lí.
Lí kiû Góa, Góa chiū chiong lia̍t-pang hō͘ lí chòe ki-gia̍p; Chiong tōe ê ke̍k-thâu hō͘ lí chòe sán-gia̍p.

耶和華曾給我講：你是我的子，我今仔日生你。
你求我，我就將列邦互你做基業，將地的極頭互你做產業。

類別: 本週金句 | 引用: 0 | 評論: 0 | 閱讀: 1041

本週金句-申命記 26:16

作者:gikong 日期:2016-09-25 18:32

Kin-á-jı̍t Iâ-hô-hoa lí ê Siōng-tè bēng-lēng lí kiâⁿ chiah ê lu̍t-lē hoat-tō͘; só͘-í lí tio̍h chīn-sim chīn-sèng chip-siú lâi kiâⁿ i.

今仔日耶和華──你的上帝命令你行諸個律例法度，所以你著盡心盡性執守來行伊。

類別: 本週金句 | 引用: 0 | 評論: 0 | 閱讀: 1152