218(主日)金句-約翰福音13:34-35

作者:gikong 日期:2018-02-18 14:44

13:34
Góa ēng sin ê kài-bēng hō͘ lín, chiū-sī lín tio̍h saⁿ-thiàⁿ; chhin-chhiūⁿ góa bat thiàⁿ lín, lín ia̍h tio̍h án-ni saⁿ-thiàⁿ.
我用新的誡命互恁，就是恁著相疼；親像我曾疼恁，恁亦著按呢相疼。
13:35
Lín nā saⁿ-thiàⁿ, chèng lâng beh tùi án-ni chai lín sī góa ê ha̍k-seng.
恁若相疼，眾人欲對按呢知恁是我的學生。

類別: 本週金句 | 引用: 0 | 評論: 0 | 閱讀: 1116

本週金句-詩篇63:1

作者:gikong 日期:2018-02-11 12:02

上帝啊，你是我的上帝，我迫切追尋你，親像地曠旱無水，我的心神嘴焦渴慕你；我的肉體欣慕你到欲暈去。

Siōng-tè ah, lí sī góa ê Siōng-tè, góa pek-chhiat tui-chhē lí,
chhin-chhiūⁿ tōe khòng-hān bô chúi, góa ê sim-sîn chhùi-ta khat-bō͘ lí; góa ê jio̍k-thé him-bō͘ lí kàu beh hūn-khì.

類別: 本週金句 | 引用: 0 | 評論: 0 | 閱讀: 1117

本週金句-馬太福音28:19-20

作者:gikong 日期:2018-02-04 15:05

28:19 Só͘-í, lín tio̍h khì chio bān-bîn lâi chòe bûn-tô͘, kā in sóe-lé, hō͘ in kui tī Pē, Kiáⁿ, Sèng Sîn ê miâ,
28:20 kà-sī in chun-siú góa só͘ hō͘ lín it-chhè ê bēng-lēng. Tio̍h ōe kì-tit, góa ta̍k ji̍t kap lín tông-chāi, ti̍t-kàu kim-sè ê kiat-sok.”

28:19 所以，恁著去招萬民來做門徒，給因洗禮，互因歸佇父、子、聖神的名，
28:20 教示因遵守我所互恁一切的命令。著會記得，我逐日及恁同在，直到今世的結束。

類別: 本週金句 | 引用: 0 | 評論: 0 | 閱讀: 1221

本週金句-羅馬書8:9

作者:gikong 日期:2018-01-28 17:43

既然上帝的神有tiam佇恁內面，恁就m是屬本性，是屬聖神。人若無基督的神就無屬基督。
Kì-jiân Siōng-tè ê Sîn ū tiàm tī lín lāi-bīn, lín chiū m̄-sī sio̍k pún-sèng, sī sio̍k Sèng Sîn. Lâng nā bô Ki-tok ê Sîn chiū bô sio̍k Ki-tok.

類別: 本週金句 | 引用: 0 | 評論: 0 | 閱讀: 1162

本週金句-耶利米17:7-8

作者:gikong 日期:2018-01-21 17:43

( 耶利米17:7-8)倚靠耶和華，掠耶和華做伊所倚靠者，彼號人有福氣！伊欲親像水邊所栽的樹，旋伊的根佇河邊，炎熱到，亦無驚，葉猶原欲青翠，佇乾燥的年攏無掛慮，閣結果子無息。

Óa-khò Iâ-hô-hoa, lia̍h Iâ-hô-hoa chòe i só͘ óa-khò--ê hit-hō lâng ū hok-khì.I beh chhin-chhiūⁿ chúi-piⁿ só͘ chai ê chhiū, soan i ê kun tī hô-piⁿ; iām-jia̍t kàu ia̍h bô kiaⁿ; hio̍h iû-goân beh chhiⁿ-chhùi; tī ta-sò ê nî, lóng bô khòa-lū; koh kiat ké-chí bô soah.

類別: 本週金句 | 引用: 0 | 評論: 0 | 閱讀: 1432

本週金句-約翰福音15:15;約翰福音14:12

作者:gikong 日期:2018-01-14 11:37

...góa tùi góa ê Pē só͘ thiaⁿ-tio̍h ê lóng ū kā lín kóng lah.(約翰福音15:15)
...Sìn góa ê lâng ōe chòe góa só͘ chòe ê sū, sīm-chì ōe chòe koh-khah tōa ê,...(約翰福音14:12)

...我對我的父所聽著的攏有給恁講啦。(約翰福音15:15)
...信我的人會做我所做的事，甚至會做閣較大的...
(約翰福音14:12)

類別: 本週金句 | 引用: 0 | 評論: 0 | 閱讀: 1044

本週金句-羅馬書12:2

作者:gikong 日期:2018-01-07 11:34

Bo̍h-tit kap chit sè-kan siāng khoán; tio̍h ēng sim-chì ōaⁿ sin lâi piàn-hòa ka-kī, hō͘ lín ōe bêng-pe̍k sím-mi̍h sī Siōng-tè siān-liông, thang hoaⁿ-hí, sûn-choân ê chí-ì.

莫得及此世間像款，著用心志換新來變化家己，互恁會明白甚麼是上帝善良、通歡喜、純全的旨意。

類別: 本週金句 | 引用: 0 | 評論: 0 | 閱讀: 1178

本週金句-詩篇15:1-2

作者:gikong 日期:2017-12-31 15:58

上主啊，什麼款人會當住佇你的布棚？什麼款人會當徛起佇你的聖山？就是行為正直，作事公義，對心底講真實的人。

Siōng Chú ah, sím-mi̍h khoán lâng ōe-tàng tòa tī lí ê pò͘-pîⁿ?
Sím-mi̍h khoán lâng ōe-tàng khiā-khí tī lí ê sèng-soaⁿ?
Chiū-sī hêng-ûi chèng-ti̍t, choh-sū kong-gī, tùi sim-tóe kóng chin-si̍t ê lâng.

類別: 本週金句 | 引用: 0 | 評論: 0 | 閱讀: 14619