作者:gikong 日期:2018-10-21 23:09
恁做諸個代誌的干證。也我欲差我的父所應允的到佇恁，總是恁著 (tiàm)佇此個城，聽候對頂面落來的權能親像衫給恁穿。
Lín chòe chiah ê tāi-chì ê kan-chèng. Iā góa beh chhe góa ê Pē só͘ èng-ún ê kàu tī lín; chóng-sī lín tio̍h tiàm tī chit ê siâⁿ, thèng-hāu tùi téng-bīn lo̍h-lâi ê koân-lêng chhin-chhiūⁿ saⁿ kā lín chhēng.
作者:gikong 日期:2018-10-14 16:28
閣著大家相眷顧，來激起仁愛，及行好。
koh tio̍h tāi-ke saⁿ koàn-kò͘, lâi kek-khí jîn-ài kap kiâⁿ hó.
作者:gikong 日期:2018-10-07 01:09
著常常歡喜，著祈禱無息，凡事感謝；因為此個是上帝 佇基督耶穌向恁的旨意。Tio̍h siông-siông hoaⁿ-hí; tio̍h kî-tó bô soah; hoān sū kám-siā, in-ūi chit-ê sī Siōng-tè tiàm-tī Ki-tok Iâ-so͘ ǹg lín ê chí-ì.
作者:gikong 日期:2018-09-30 15:02
求你聽阮，用正手牽救阮，通互你所疼的人得著救。
Kiû Lí thiaⁿ goán, ēng chiàⁿ-chhiú khan-kiù goán, Thang hō͘ Lí só͘ thiàⁿ ê lâng tit-tio̍h kiù.
作者:gikong 日期:2018-09-23 14:59
伊應講：「你著盡心、盡性、盡力、盡意疼主──你的上帝；也著疼厝邊親像家己。」
I ìn kóng, Lí tio̍h chīn-sim, chīn-sèng, chīn-la̍t, chīn-ì thiàⁿ Chú lí ê Siōng-tè; iā tio̍h thiàⁿ chhù-piⁿ chhin-chhiūⁿ ka-kī.
作者:gikong 日期:2018-09-16 00:49
眷顧喪鄉人的有福氣！當患難的日，耶和華欲救伊。
Koàn-kò͘ sòng-hiong lâng ê, ū hok-khì; Tng hoān-lān ê ji̍t, Iâ-hô-hoa beh kiù i.
作者:gikong 日期:2018-09-09 10:21
耶和華對撒但講：「看啊，伊一切所有的攏佇你的手頭；獨獨呣通下手佇伊的身軀。」撒但就對耶和華的面前出去。
Iâ-hô-hoa tùi Sat-tàn kóng, Khòaⁿ ah, i it-chhè só͘-ū-ê lóng tī lí ê chhiú-thâu, to̍k-to̍k m̄-thang hē chhiú tī i ê seng-khu. Sat-tàn chiū tùi Iâ-hô-hoa ê bīn-chêng chhut-khì.
作者:gikong 日期:2018-09-02 11:15
耶穌給 in講：「恁著將該撒的物納互該撒，將上帝的物納互上帝。」in大奇怪伊。
Iâ-so͘ kā in kóng, Lín tio̍h chiong Kai-sat ê mi̍h la̍p hō͘ Kai-sat, chiong Siōng-tè ê mi̍h la̍p hō͘ Siōng-tè. In tōa kî-koài I.
本週金句-路加福音24:48-49