hō͘ lí ê chín-chè ún-ba̍t; chiū lí ê Pē, kàm-chhat tī ún-ba̍t ê, beh pò-tap lí.

互你的賑濟隱密。就你的父鑑察佇隱密的，欲報答你。

Tò-khì lín tau, chiong Siōng-tè ūi-tio̍h lí kiâⁿ hiah tōa ê sū pâi-lia̍t hō͘ lâng chai. I chiū khì, piàn siâⁿ soan-thoân Iâ-so͘ ūi-tio̍h i só͘ kiâⁿ hiah tōa ê sū.

 「倒去恁兜，將上帝為著你行許大的事排列互人知。」伊就去，遍城宣傳耶穌為著伊所行許大的事。

In-ūi lán bûn-ngá ê thé bô só͘ khiàm-kheh. To̍k-to̍k Siōng-tè tiâu-hô seng-khu; tī ū khiàm-kheh ê, it-hoat hō͘ i chun-kùi; bián-tit seng-khu bô saⁿ-ha̍p sī beh hō͘ pah thé pîⁿ-pîⁿ saⁿ koàn-kò͘.

因為咱文雅的體，無所欠缺；獨獨上帝調和身軀，佇有欠缺的益發互伊尊貴，免得身軀無相合，是欲互百體平平相眷顧。

Iâ-so͘ chiū kā i kóng, Sat-tàn, thè-khì; in-ūi ū kì-chài kóng, Tio̍h pài Chú, lí ê Siōng-tè; to̍k-to̍k ho̍k-sāi I nā-tiāⁿ.

耶穌就給伊講：「撒但，退去！因為有記載講：著拜主──你的上帝，獨獨服事伊若定。」

Goān Chú goán ê Siōng-tè ê bí-biāu tiàm tī goán ê téng-bīn; Goān Lí kian-kò͘ goán ê chhiú só͘ chòe ê kang, Goán ê chhiú só͘ chòe ê kang, goān Lí kian-kò͘ i.

願主──阮的上帝的美妙亻店佇阮的頂面。願你堅固阮的手所做的工；阮的手所做的工，願你堅固伊。

Thiⁿ-sài ìn i kóng, Sèng Sîn beh lîm-kàu lí, Chì-koâiⁿ-ê ê koân-lêng beh tì-ìm lí; só͘-í tùi lí siⁿ-ê beh chheng chòe Sèng, chòe Siōng-tè ê Kiáⁿ.

天使應伊講：「聖神欲臨到你，至高者的權能欲致蔭你，所以對你生的欲稱做聖做上帝的子。

Góa kiâⁿ-lō͘, góa tó tī bîn-chhn̂g, Lí lóng siông-sè chai; Góa it-chhè só͘-kiâⁿ--ê, Lí iā chhim-chai.

我行路，我倒佇眠床，你攏詳細知；我一切所行的，你也深知。

Kìⁿ-nā ūi-tio̍h ha̍k-seng ê miâ, kan-ta ēng chi̍t poe léng-chúi hō͘ chiah ê sòe-kiáⁿ ê chi̍t ê lim ê, góa si̍t-chāi kā lín kóng, i koat-toàn bōe sit-lo̍h i ê siúⁿ.

見若為著學生的名，干單用一杯冷水互諸個細子的一個飲的，我實在給恁講，伊決斷 失落伊的賞。」