試看，就知上主真好；用伊做避難所的人真有福氣。

Chhì-khòaⁿ, chiū chai Siōng Chú chin hó;

ēng I chòe pī-lān-só͘ ê lâng chin ū hok-khì.

著感謝上主，因為伊至善；伊的慈愛永遠存續。

Tio̍h kám-siā Siōng Chú, in-ūi I chì-siān;

I ê chû-ài éng-oán chûn-sio̍k

我beh對上帝出聲求叫；我對上帝出聲，伊beh àⁿ耳孔聽我。

Góa beh tùi Siōng-tè chhut-siaⁿ kiû-kiò; Góa tùi Siōng-tè chhut-siaⁿ, I beh àⁿ hī-khang thiaⁿ góa.

所以tio̍h家己謹慎，也tio̍h謹慎守你ê心，免得你bōe記得親目所看見ê事；koh免得chiah-ê事tī你活teh ê時離開你ê心；也tio̍h用chit-ê教示lín hiah-ê kiáⁿ，hiah-ê 孫。

Só͘-í tio̍h ka-kī kín-sīn, iā tio̍h kín-sīn siú lí ê sim, bián-tit lí bōe-kì-tit chhin-ba̍k só͘ khòaⁿ-kìⁿ ê sū; koh bián-tit chiah ê sū tī lí oa̍h-teh ê sî lī-khui lí ê sim; iā tio̍h ēng chit-ê kà-sī lín hiah ê kiáⁿ, hiah ê sun.

Lín tio̍h kám-siā Iâ-hô-hoa; in-ūi I sī hó; I ê chû-ài éng-oán tī-teh.

Lín tio̍h感謝耶和華；因為伊是好；伊ê慈愛永遠tī-teh。

Tùi hit sî, Iâ-so͘ khai-sí soan-iông kóng, “Tio̍h hóe-kái, in-ūi Thian-kok teh-beh si̍t-hiān lah!”

對彼時，耶穌開始宣揚講：「著悔改，因為天國啲欲實現啦！」

耶和華講，hit日我beh應答，我beh應答天，天beh應答地；

 Iâ-hô-hoa kóng, Hit-ji̍t Góa beh ìn-tap, Góa beh ìn-tap thiⁿ, thiⁿ beh ìn-tap tōe;

Tio̍h tì-ì kap chèng lâng hô-bo̍k, í-ki̍p chiâⁿ-sèng, in-ūi nā m̄ sī  sèng bô lâng ōe kìⁿ-tio̍h Chú

Tio̍h致意kap眾人和睦，以及成聖，因為若m̄是聖無人會見tio̍h主