《此禮拜3/6金句》馬太 15 13

作者:gikong 日期:2022-03-05 19:09

I ìn kóng, Kìⁿ-nā chai-chèng ê mı̍h m̄ sī góa ê Thiⁿ Pē só͘ chai-chèng ê, beh pu̍ih i ê kun.

伊應講：「見若栽種的物，呣是我的天父所栽種的，欲拔伊的根。

類別: 本週金句 | 引用: 0 | 評論: 0 | 閱讀: 354

《此禮拜2/27金句》彼前 3:15

作者:gikong 日期:2022-02-26 20:59

to̍k-to̍k lín sim-lāi tio̍h lia̍h Ki-tok chòe Chú, chun I chòe sèng; kìⁿ-nā ū lâng mn̄g lín só͘ ǹg-bāng ê in-iû, chiū tio̍h put-sî piān-piān ēng un-jiû kap kiaⁿ-ùi lâi hun-sò͘;

獨獨恁心內著掠基督做主尊伊做聖。見若有人問恁所向望的因由，就著不時便便，用溫柔及驚畏來分訴；

類別: 本週金句 | 引用: 0 | 評論: 0 | 閱讀: 351

《此禮拜2/20金句》以弗所書 2:18-19

作者:gikong 日期:2022-02-19 23:57

in-ūi tùi I, lán nn̄g pêng tī chı̍t ê Sîn tit-tio̍h chhin-kūn Pē. Án-ni lín bô koh chòe gōa-bīn lâng, kià-kha ê; chiū-sī kap chiah ê sèng-tô͘ siāng kok, chòe Siōng-tè ke-lāi ê lâng,

因為對伊咱二旁佇一個神，得著親近父。按呢，恁無閣做外面人寄腳的，就是及諸個聖徒像國，做上帝家內的人；

類別: 本週金句 | 引用: 0 | 評論: 0 | 閱讀: 374

《此禮拜2/13金句》詩篇 29:11

作者:gikong 日期:2022-02-13 23:58

Iâ-hô-hoa beh siúⁿ-sù khùi-la̍t hō͘ I ê peh-sìⁿ; Iâ-hô-hoa beh ēng pêng-an sù-hok I ê peh-sìⁿ.

耶和華欲賞賜氣力互伊的百姓；耶和華欲用平安賜福伊的百姓。

類別: 本週金句 | 引用: 0 | 評論: 0 | 閱讀: 384

《此禮拜2/6金句》路加福音5:10-11

作者:gikong 日期:2022-02-05 20:41

Iâ-so͘ tùi Se-bûn kóng, Bo̍h-tit kiaⁿ, tùi chit tia̍p liáu-āu lí beh tit-tio̍h lâng.In í-keng thoa chûn óa hōaⁿ, chiū pàng-sak it-chhè lâi tè I.

耶穌對西門講：「莫得驚！對此霎了後，你欲得著人。」； in已經拖船倚岸，就放拺一切來隨伊。

類別: 本週金句 | 引用: 0 | 評論: 0 | 閱讀: 370

《此禮拜1/30金句》約翰福音3:16

作者:gikong 日期:2022-01-29 18:59

In-ūi Siōng-tè chiong to̍k-siⁿ ê Kiáⁿ siúⁿ-sù sè-kan, hō͘ kìⁿ-nā sìn I ê lâng bōe tîm-lûn, ōe tit-tio̍h éng-o̍ah; I thiàⁿ sè-kan kàu án-ni.

因為上帝將獨生的子賞賜世間，互見若信伊的人，bōe沈淪，會得著永活，伊疼世間到按呢。

類別: 本週金句 | 引用: 0 | 評論: 0 | 閱讀: 380

《此禮拜1/23金句》路加福音 4:18 19

作者:gikong 日期:2022-01-22 20:30

Chú ê Sîn lîm-kàu góa, In-ūi I ēng iû boah góa, hō͘ góa thôan hok-im hō͘ sòng-hiong lâng; I ū chhe góa kā siū lia̍h ê lâng kóng, in ōe tit tháu-pàng, Kā chhiⁿ-mî ê kóng, in ōe tit-tio̍h koh kng, Lâi tháu-pàng siū ap-chè ê lâng,Soan-thôan Chú hoaⁿ-hí ê nî.

主的神臨到我，因為伊用油抹我，互我傳福音互喪鄉人；伊有差我給受掠的人講：in會得解放，給睛暝的講，in會得著閣光，來解放受壓制的人，宣傳主歡喜的年。

類別: 本週金句 | 引用: 0 | 評論: 0 | 閱讀: 385

《此禮拜1/16金句》詩篇 4:1

作者:gikong 日期:2022-01-15 23:52

Góa tī khùn-khó͘ ê tiong-kan, Lí bat hō͘ góa khoan-khoah. Taⁿ kiû Lí lîn-bín góa, lâi thiaⁿ góa ê kî-tó.

我佇困苦的中間，你曾互我寬闊；今求你憐憫我，來聽我的祈禱！

類別: 本週金句 | 引用: 0 | 評論: 0 | 閱讀: 366