走向犧牲之路的主

經文：馬太福音 21:1-11

ㄧ、要應驗主所預備好的一切（馬太 21:1-5）
耶穌在phuânn-kuè-tsat前幾日進入到耶路撒冷，通過phuânn-kuè-tsat的經驗以及主通 過先知的預言，主救贖人的工作要正式開始，但不是互in脫離外在 的統治者，是互全人類能夠從綑綁生命的罪，得到真正的解放。主 的預言要應驗，不是只有按照字面的意思，也不是猶太人過去的經 驗、外在形式。提醒咱生命有預備好，有能力來分辨、承接主的預 言嗎？因為耶穌的行動應驗主上帝過去藉著先知所講的預言，這個 應驗不是按照人的心意，脫離羅馬帝國的統治，反倒是人的生命脫 離及和平、疼對立的一切。

二、要互人從和平、疼對立的一切得到解放（馬太 21:6-11）
耶穌來是藉著犧牲打敗冤仇、對立、分裂、慾望、自私等，互人佇生命頂及和平、疼重新結聯。咱要思考如果今仔日咱及那時的猶太人有一款的處境，當咱接受基督信仰後，沒有互咱受苦的處境得到改變，所佇的社會沒有變更卡好，咱會怎樣回應這個信仰？雖然主將面對冤仇、對立、分裂、慾望、自私等的氣力、方式賜互人、咱卻發現，咱的教會生活不能成作咱生活的幫助，咱的生活也不能合佇禮拜所學習的。若是咱發現到自己的狀態已經變成這樣，是要重新去準備。佇大齋節期的四十天在指人的整個生命，通過祈禱， 閃避罪惡及禁食，幫助咱及自己恢復關係、跟主恢復關係，才能夠進一步去及別人恢復關係。這是一段和好的時期！希望幫助咱重整生命，有機會去跟別人和好，或是不再去互相傷害。因為耶穌來， 祂的犧牲是互人的生命充滿疼、和平，不互攻擊、自私、來捆綁咱每一位！